Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
14-04-2022   Хэсэг: Мэдээ мэдээлэл   Сэтгэгдэл: 0  

ШҮҮХИЙН ЕРӨНХИЙ ЗӨВЛӨЛИЙН АЖЛЫН ХЭСЭГ ЗАВХАН АЙМГИЙН ШҮҮХЭД АЖИЛЛАЛАА

Шүүхийн ерөнхий зөвлөлийн гишүүн Р.Онончимэг, Л.Энхбилэг, Санхүү хөрөнгө оруулалтын газрын дарга Б.Цогбадрах нарын бүрэлдэхүүнтэй ажлын хэсэг 2022 оны 04 дүгээр сарын 13-ны өдөр Завхан аймаг дахь шүүхүүд, түүний тамгын газарт ажиллалаа.

 

Ажлын хэсэг тамгын газрын үйл ажиллагаа болон шүүгч, ажилтны ажлын байрны ажиллах орчин нөхцөл, өрөө тасалгааны хүртээмж, шүүхийн байртай нэг бүрчлэн танилцаж, тулгамдаж байгаа асуудлын талаар санал солилцож, ШЕЗ-ээс хэрэгжүүлж байгаа бодлого, үйл ажиллагааны талаар мэдээлэл хийлээ. 

 

Уулзалтын эхэнд шүүхийн Тамгын газрын даргын албан үүргийг түр орлон гүйцэтгэгч Х.Дорждэрэм тус аймаг дахь анхан болон давж заалдах шатны шүүхүүдийн 2021 он, 2022 оны 1 дүгээр улирлын шүүн таслах ажлын дүн мэдээ, шүүхийн тамгын газраас 2021, 2022 онуудад хийж хэрэгжүүлсэн онцлох болон цаашид хийгдэх шаардлагатай байгаа ажлуудыг танилцууллаа.

 

Мөн тус ажлын хэсгээс Шүүхийн ерөнхий зөвлөлийн шинэ бүрэлдэхүүн, Шүүхийн ерөнхий зөвлөлийн чиг үүргийн хороод, гишүүдийн ажил үүргийн хуваарь, ажлын албаны зохион байгуулалтын бүтэц, хуульд заасан 5 чиг үүргийг хэрхэн хэрэгжүүлж байгаа талаар болон шинээр батлагдсан журмуудын онцлох зохицуулалт, уялдаа холбоо, цаашид батлагдах бодлогын баримт бичгийг батлуулах ажлыг эхлүүлсэн, ямар шатандаа явагдаж байгаа, томилогдсоноос хойших 4 сарын хугацаанд хийж хэрэгжүүлсэн ажлуудын талаар танилцуулж, тус тамгын газраас шийдвэрлүүлэхээр тавьсан асуудлуудыг судалж ажиллахаа илэрхийллээ.

 

Уулзалтын төгсгөлд шүүгч, ажилтнууд сонирхсон асуудлаар ажлын хэсгийнхнээс асуулт асууж, хариулт авах замаар харилцан санал солилцож, ажлын хэсгийнхэнд ажлын амжилт хүсэж талархал илэрхийллээ.

dle
Нийтэлсэн superadmin   Үзсэн: 50   |   Сэтгэгдэл: 0
ХЭВЛЭХ
Төсөөтэй мэдээлэл:


Шүүх хуралдааны тов

Да
Мя
Лх
Пү
Ба
Бя
Ня
Шийдвэрлэсэн хэргийн тойм
Иргэн танд
Эрх зүйн зөвлөгөө сонсох
Бидэнтэй нэгдээрэй
  |  
«    May 2022    »
MonTueWedThuFriSatSun
 1
2345678
9101112131415
16171819202122
23242526272829
3031